Një 16-vjeçar ka humbur jetën ditën e djeshme, si pasojë e një aksidenti në aksin rrugor që lidh Kamzën me Rinasit.
Një makinë tip “Benz” që po udhëtonte me shpejtësi të madhe ka përplasur një djalë të mitur teksa po lëvizte me biçikletë.
Viktima identifikohet me iniciale ‘O.Ç’ ka ndërruar jetë, ndërkohë pak më parë policia ka arrestuar drejtuesin e mjetit që shkaktoi aksidentin me iniciale A. H.,25 vjeç, banues në Kamëz.
Njoftimi i policisë:
Nga Seksioni OPGJ-ve në Komisariatin Rajonal të Policisë Rrugore Tiranë u bë arrestimi i shtetasit A. H.,25 vjeç, banues në Kamëz.
Arrestimi i tij u bë pasi, në rrugën, me sens lëvizjeje nga Kamza për në rrugën e Rinasit, duke drejtuar mjetin tip “Benz” ka aksidentuar me pasojë vdekjen, çiklistin shtetasin e mitur O. Ç.,16 vjeç, banues në Domje. Materialet i kaluan Prokurorisë për veprime të mëtejshme.
