Ajsi Xhaxhaj dhe Drilon Hoxha janë ndër personazhet më të përfolur në media, pasi pretendohej se ishin në një lidhje së bashku, gjë që u mohua nga të dy.
Të dy aktorët reaguan në lidhje me këtë aludim, duke thënë se ata kishin një miqësi prej pesë vitesh, dhe që skenat intime ishin thjesht pjesë e filmit, pasi mes tyre s’ka asgjë më shumë se marrëdhënie shoqërore dhe profesionale.
Ajsi, në një intervistë për “Gazetën shqiptare”, është pyetur se cilat janë disa nga skenat më të sikletshme të filmit, ku ajo ka zbuluar se kanë qenë skenat e puthjeve, pas të cilave ata i kërkonin gjithmonë falje njëri-tjetrit.
“Sigurisht që skenat e puthjes. Unë me Drilonin kemi një miqësi prej pesë vjetësh. Dhe kurrë nuk e kemi parë njëri-tjetrin në një mënyrë ndryshe. Kur bëhej fjalë për skenat e puthjeve, gjithmonë i kërkonim falje njëri-tjetrit më parë, e më pas putheshim. Kjo ishte shumë qesharake”, ka thënë ajo duke qeshur.
