Gazetari Artan Hoxha, i ftuar mbrëmjen e djeshme në “Provokacija” ka folur rreth grabitjes së miliona eurove në aeroportin ndërkombëtar “Nënë Tereza”.
Hoxha deklaroi se nëse do kishte një siguri të fortë, ashtu sikurse bandat kriminale u bëjnë shtëpive të tyre, sipas tij ngjarja nuk do kishte ndodhur.
“Rama mund të ndryshojë kushtet e kontratës dhe të sigurisë së aeroportit me koncensionarin. Nëse koncensionari brenda nuk pranon kushte të reja t’i do detyrosh ose të prishe kontratën ose të shkosh në arbitrazh ndërkombëtar. Koncensionari është përgjegjës brenda gardhit të aeroportit ndërsa jashtë është përgjegjësie Policia e Shtetit. Ti atëherë duhet të përforcosh rrethimin e jashtëm. Rrethimi i jashtëm i aeroportit të vetëm që ka Shqipëria është skandaloz”, tha Artan Hoxha.
Ndër të tjera, ai thotë se në shtëpinë e viktimës, Admir Muratajt, grabitësit që mbeti i vrarë gjatë shkëmbimit të zjarrit me policinë, nuk kishte asnjë mundësi të hyje, pasi masat e sigurisë ishin shumë të larta.
“Unë të tregoj familje kriminale në Shqipëri që banesat e tyre apo resortet e tyre që kanë në përdorim i kanë me rrethim që ti nuk ofrohesh dot. Vetë shtëpia e organizatorit të grabitjeve, e Admir Nikaj Mirataj ishte e mbuluar me sistem sigurie, e rrethuar mirë me kangjella çeliku, nuk hyje dot atje. Ai nuk ishte i pasur por me grabitje që ka bërë dhe nuk di si e ka bërë shpërndarjen.
Ne kemi 5 grabitje që fillojnë nga Shkurti i 2015. Më 13 Shkurt 2015 është e parë, 3 Dhjetor 2015 është e dyta, më 30 Qershor 2016 është e treta dhe në 9 Shkurt të 2017 është e katërta. Kjo e 9 Prillit ishte grabitja e pestë. Admir Murataj është tek të 5 organizator. Ky ende nuk është konfirmuar nëse ka marrë pjesë në grabitjen e 30 Qershorit, pasi është një Aleks Pepa që akuzohet sepse vetëm ai është identifikuar. Por në 4 grabitjet e tjera është ky. Policia ka qenë në dijeni prej 6 vitesh që ka një grup shumë të rrezikshëm në qarkullim”, deklaroi Hoxha.
