Ish-ministri i Drejtësisë, Ylli Manjani, në fjalën e marrë gjatë mbledhjes së Komitetit Drejtues Kombëtar të LSI, tha se ajo që i duhet vendit është kthimi i balancës dhe se kjo forcë politike duhet të fillojë përgatitjet për fushatën zgjedhore. Po kështu një koment dha edhe për djegien e mandateve, duke e konkretizuar me programin e LSI. Për të, ky program është për shtet e jo për politikë, e po kështu edhe për ekonomi me taksa të ulëta.
“Jemi në fushatë elektorale, dhe duhet të punojmë në dy plane. Ne nuk mund t’i themi njerëzve që na ka ardhur radha, e duhet të jemi në pushtet. Ne kemi një program, programi i LSI është shtet; jo politikë, ekonomi me taksa të ulëta.
Arsim sipas nevojave për studentët. Kemi një program fantastik për rininë, por pse nuk e di askush këtë. Vetëm me një gjest ekstrem mund t’i japësh një përgjigje kësaj force politike.
Ai ka dalë edhe pa brekë, ne e dimë këtë, po nuk përbën më lajm. Thirrja ime është të fokusohemi te përgatitja për zgjedhje. Erjoni dhe Edvini dhe të gjithë Erjonat dhe Edvinat janë andej, nuk kanë më punë me ne.
Ajo që na bashkon në këtë moment është që të konceptojmë se ka filluar fushata elektorale”, u shpreh Manjani.
