Ministri i Financave dhe Ekonomisë, Arben Ahmetaj, teksa prezantoi projekt-buxhetin në Kuvend, lëshoi një lum akuzash ndaj ish-kryeministrit Berisha. Ai tha me tone të larta se Saliu nuk bëri rrugë, por tendera.
Duke qëndruar në të njëjtën linjë, Ahmetaj i mëshoi faktit se edhe rrugët, janë vulë e kësaj qeverie.
“Saliu i la rrugët-rrugëve, i përfunduam ne”, deklaroi Ahmetaj. Sa i takon mosbesimit të qytetarëve lidhur me shëndetësinë falas, ministri pranoi se ka ende për të përmirësuar, por ata tashmë fitojnë nga rimbursimi i medikamenteve.
