Zv/kryeministri Arben Ahmetaj ka treguar kategoritë që do të përjashtohen nga amnistia fiskale, me draftin e propozuar nga qeveria. Ai u shpreh se përjashtohen individët e skeduar globalisht me rekorde kriminale dhe subjektet e OFL-së të verifikuar dhe pa verifikuar. Pasuritë e amnistuara nuk mund të transferohen jashtë vendit për 5 vite. Ahmetaj u shpreh se amnistia është shumë e rëndësishme, për shkak të situatës ekonomike në të cilën ndodhet vendi.
“Te kategoritë e përjashtuara, do ta kuptoni që personat e dënuar janë të përjashtuar nga deklarimi vullnetar. Ecim me logjikën juridike të prezumimit të pafajësisë. Unë nuk dua të marr kohën tuaj me atë që kemi bërë. Përpjekjet tona për formalizimin janë shumë të rëndësishme dhe të prekshme. Ata që e kanë ndjekur përpjekjen e qeverisë ndër vite, të ardhurat ishin 24%, sot janë 28% e prodhimit të brendshëm. Është një kërcim shumë i rëndësishëm. 4% janë gati 600 e kusur milion dollarë. E rëndësishme për të thënë është qëllimi i amnistisë siç u referuam. Rishikimi i pasqyrimit financiar. Afron ashtu si rëndomtë në amnistitë fiskale ruajtjen e sekretit dhe mosfillimin e procedimit penal ndaj subjekteve përfituese. Deklarimi vullnetar është koncepti shtyllë mes qytetarëve dhe shtetit. Në rastin konkret, tatimi i posaçëm. Përjashtohen zyrtarët e lartë, të mesëm të sotëm dhe të dikurshëm, politikanët dhe familjarët e tyre.
Fjalët që qarkullojnë për ta kontamimuar si koncept, amnistia fokusohet te qytetarët. Përjashtohen individët e skeduar globalisht me rekorde kriminale dhe subjektet e OFL-së të verifikuar dhe pa verifikuar. Pasuritë e amnistuara nuk mund të transferohen jashtë vendit për 5 vite. Si e theksova të gjithë zyrtarët dhe funksionarët e lartë. Pasuritë e deklarueshme që është shumë e rëndësishme. Tatimi i posaçëm është 7% në 4 muajt e parë. Kjo ka të bëjë me urgjencën që kemi ne si qeveri dhe ekonomia sa më parë për të parë atë pjesë që i takon buxhetit për shkak të merakut që ka kryeministri, për të parë të materializuar pasurinë për shkak të valës së invazionit rus.
2 mln euro nuk është kufiri vetëm për individin, por për të gjithë certifikatën familjare. Paratë nuk mund të tërhiqen deri në zbatimin e ligjit. Kamatvonesat për deklarimin e pasurisë falen nëse kryhet regjistrimi. Afati i zbatimit është 9 muaj”, tha ai.
