Teksa në Kuvend po diskutohet pr. ligji për profesionet e vështira, Myslym Murrizi nuk la pas ironinë lidhur edhe me fjalën e mbajtur nga deputeti Ahmetaj. Por edhe ky i fundit ia ka kthyer me të njëjtën monedhë, duke i kujtuar faktin se zgjedhjet e 30 qershorit do të marrin verdiktin përfundimtar.
Duke lënë pas shifrat, deputeti socialist përsëriti sërish ftesën për zgjedhjet. “Partia Socialiste, grupi parlamentar, Rama, kanë bashkuar dy elementë, drejtësia sociale dhe mundësinë e buxhetit”, tha ai në Kuvend. Më tej shtoi: “Të dashur naftëtarë, metalurgë, minatorë, e përfitoni sa të jeni gjallë. Është kënaqësi për t’ju trajtuar, për shkak të vuajtjeve që keni kaluar”.
