Sikundër Taulant Balla, edhe Arben Ahmetaj paralajmëroi këdo që do të cënojë votat e qytetarëve në 30 qershor, se ligji do të veprojë pa anshmëri. Në fjalën e marrë në Kuvend, deputeti socialist nënvizoi ndër të tjera se 30 qershori është një ditë e shenjtë, dhe se nuk është as dita e Bashës, Ramës e Kryemadhit.
Ish-ministri i Ekonomisë dhe Financave shtoi se ‘për një milion arsye pse është Kushtetuese, sepse në 1 korrik, qytetarët kanë nevojë për shërbime’. Në një mesazh të përsëritur, Ahmetaj kërkoi nga të gjitha palët politike që të shmangin çdo lloj incidenti gjatë zgjedhjeve, pasi në të kundërt, ligji do të jetë i pamëshirshëm për këdo. “Një thirrje, ligji është atje, nuk harron kurrë”, përfundoi ai.
