“Ah mor bir, çfarë bëre”. Ishin këto fjalët e fundit të nënës së Kastriot Hasallës që i mori jetën kushëririt. Kastriot Hasalla pranoi autorësinë e vrasjes para trupës gjykues, dhe ka kërkuar që të mos mbahen në burg vëllai dhe djali i tij.
Ai pak ditë më parë tha me anë të avokatit të tij, se ata nuk kanë qenë bashkëpunëtorë në vrasje. Po ashtu ai është justifikuar me faktin se vrasjen e ka kryer në kushte të rënduara psikologjike.
Kastriot Hasalla, i dyshuari kryesor për vrasjen e kushëririt të tij Romeo Hasalla dhe plagosjen e babait dhe dy vëllezërve të tij, ka dalë para gjykatës së Lushnjes dhe mori dënimin me burg. Vëllai i vrasësit ka thënë për mediat se kërkon mëshirë që Kastrioti të mos përfundojë në burgim të përjetshëm.
Jashtë seancës, në një komunikim për mediat, vëllai i tij Jonus Hasalla ka deklaruar se kërkon mëshirë për të, ndërsa shtoi se do të shkojë në familjen e viktimës për ngushëllim edhe nëse ata do e vrasin.
“Dua mëshirë, jo me burgim të përjetshëm, por edhe pala tjetër e ka viktimën sepse dhe ai u fut në dhe djalë i ri dhe ai. Edhe ai bir nëne është ka lënë një fëmijë dhe një grua dhe se dëshiroj kurrë që të shkonte në atë fazë po kjo punë arriti.
I trembem hakmarrjes, se çfarë nuk bën vaki. Unë nuk e di se kur do të vijë vdekja, se po ta dija do thoja hajde më merr mua. S’kam kontaktuar me palën tjetër. Do shkoj të kontaktoj, le të më vrasin, nesër apo pasnesër do shkoj, duart do i lidh sipas zakonit do i then më vra ose mi zgidh, do shkoj ta ngushëlloj. Po të dojë të më vrasë, po do shkoj”, tha ai.
Ngjarja e rëndë është shënuar mëngjesin e 29 korrikut. Kastriot Hasalla ka pranuar se ka qëlluar ndaj kushëririt të tij, Romeo Hasalla.
Ai pretendon se ka qëlluar vetë me armë, dhe ka vrarë të riun si dhe ka plagosur vëllezërit dhe babain e viktimës. /Tirana Today
