Çdo ditë e më shumë po agravohet situata mes Kinës e SHBA, për shkak të koronavirusit. Lidhur me shpërthimin e pandemisë, ku SHBA ia faturon fajin Kinës, situata duket se ka marrë një tjetër rrjedhë.
Presidenti amerikan Donald Trump, deklaron se SHBA duan të dërgojnë investigues në Kinë, për të hetuar shpërthimin e koronavirusit. Këto deklarata ai i bëri gjatë konferencës së përditshme mbi COVID-19.
Sipas CNN, SHBA kanë bërë edhe më parë kërkesa të tilla, të cilat janë kundërshtuar nga Kina.
Kujtojmë këtu se edhe më herët, Shtëpia e Bardhë ka hedhur akuza mbi Kinën, se ka fshehur informacionin e saktë në lidhje me shtrirjen e virusit brenda Kinës. E për rrjedhojë, ka fshehur edhe numrin real të viktimave.
“Ne po bisedojmë me Kinën. Ne iu kemi kërkuar atyre edhe para shumë kohe që të mund të hetojmë në Kinë për virusin. Ne duam të hyjmë”, tha Trump gjatë konferencës.
