Modelja shqiptare, Agnesa Vuthaj, ka folur në lidhje me thashethemet për një histori dashurie me një biznesmen indian. Ajo shprehet se e gjitha ishte një gjest dashakeq, por që u mbyll me aq. Agnesa tregon se marrëdhënia mes tyre është thjesht një marrëdhënie pune.
Bukuroshja është kujdesur gjithjmonë që mos të flitet për jetën e saj private, por vetëm për punën që ajo bën.
Drejtuesja e emisionit “Jo vetëm modë”, në Tv Klan, Orinda Huta ka qenë në Paris, ku ka zhvilluar një intervistë me modelen e njohur. Agnesa tregon se do fokusohet më shumë tek biznesi i saj, për të sjellë koleksionin e ri të çantave.
Agnesa Vuthaj: Mendoj se ishte një gjest dashakeqës ndaj dikujt, por që u mbyll me aq.
Orinda Huta: Megjithatë, cila është marrëdhënia jote e vërtetë me të?
Agnesa Vuthaj: Është thjesht marrëdhënie punë, prandaj ndoshta dhe jam prekur pak, se gjithmonë kur je femër dhe kur punon dhe kur ke sukses, është gjithmonë vështirë nëse punon me meshkuj. Sepse gjithmonë nëse punon me një mashkull, gjithmonë krijohen thashethemet që është krijuar ky raport, mund të ketë diçka më tepër, kjo, ajo. Ndoshta kjo ka qenë arsyeja pse jam prekur, se sulmohesh sikur femër. Edhe në reagimin tim, e kam bërë një reagim që kam dashur të mbroj figurën e femrës, jo se jam prekur vetë aq shumë, sepse në fund të fundit e dimë, që mediat shkruajnë shumë edhe për klikime, kështu që besoj që ata që e kanë bërë, kanë përfituar diçka.
