Sulmuesi, Dimitar Berbatov, ka zbuluar një detaj mjaft interesant nga viti 2008 kur ai iu bashkua Manchester United nga Tottenham, pasi për të kishte pasur një interesim të fortë dhe nga rivalët e Cityt. Bullgari iu bashkua “Djajve të Kuq” në minutat e fundit të merkatos në një operacion që kishte një kosto 38 milionë euro.
City ishte në garë për të rrëmbyer sulmuesin bullgar në atë ditë, por në fund i kishte rrëmbyer nga duart Chelseas, Robinhon nga Real Madrid. Por në momentin që agjenti i kishte thënë Berbatovit se City kishte treguar interes për të, ai është përgjigjur: “Shko p….”. Spursat ishin të interesuar që ta shisnin sulmuesin te City, pasi do të përfitonin më shumë para nga shitja por futbollisti nuk ishte dakord.
Duke folur për FourFourTwo lidhur me interesin e Cityt, ai tha: “Unë nuk mendoj se ishte aq afër, të jem i sinqertë. Agjenti im më tregoi për disa interesa, por unë i thash, ‘Mos u mërzit edhe mos më përmendur asnjë tjetër, unë po shkoj te Manchester United’, për shkak të historisë, lojtarëve, traditës dhe gjithçkaje.
Unë mendoj se ishte një natë para se City nënshkroi me Robinhon nga Real Madridi dhe agjenti im tha: ‘Berba, ka një ekip tjetër për ty’. Thashë, ‘F * ck off, unë do të shkoj te Manchester United’. Ai tha, ‘Por ata do t’ju japin më shumë para!’
Nuk ka të bëjë gjithnjë me paratë. Për mua ishte vendimi i duhur sepse të shkoja te më të mirët ishte ëndrra ime, sidomos kur vini nga Evropa Lindore, nga një qytet i vogël dhe askush nuk e ka bërë para jush. Ishte një ndjenjë e mrekullueshme.”
Berbatov u largua nga Tottenham në një moment mjaft të vështirë për londinezët, pasi ishte fillimi i kampionatit dhe në tre ndeshjet e para ata nuk kishin fituar asnjë. Kjo krijoi një përcarje mes ti dhe tifozëve.
“Ishte e vështirë,” shtoi ai. “Ju shikoni atë gjatë gjithë kohës lojtarët që ndryshojnë klubet. Në rastin tim unë thjesht po e ndiqja rrugën time, sepse që kur isha një djalë i vogël, gjithnjë e kisha ëndërruar të luaja për klubin më të madh në botë.
Kur arriti ai moment, unë e di që shumë njerëz ishin të zemëruar me zgjedhjen time, por unë isha i bindur që të ndiqja ëndrrën time.”
Berbatov fitoi dy tituj të Premier Leagues gjatë kohës së tij te United, si dhe Kupën e Ligës Botërorin e Klubeve. Bullgari shënoi 56 gola gjatë qëndrimit të tij në Old Trafford, dhe më pas u largua te Fulham në 2012-ën. Që nga ajo kohë, ai ka luajtur për Monakon, PAOK dhe Kerala Blasters. Ai ka luajtur 78 ndeshje për kombëtaren e tij.
Përshtati: Tirana Today
