Agjentë të policisë kufitare, të policisë së rendit dhe FNSH-së, janë stacionuar në Kakavijë prej ditës së djeshme, për të shmangur një revoltë për ceremoninë mortore të ekstremistit Kacifas. Policia shqiptare ka shtuar masat e sigurisë në pikën e kalimit kufitar të Kakavijës, prej nga ku mbërrijnë autobusa me shtetas grekë.
Çdo person që hyn në Shqipëri skanohet mirë, nuk u lejohen simbolet nacionaliste. Nëse paraqesin rrezikshmëri, kthehen pas. Ndërkohë mësohet se në fshatin Bularat, ku do të mbahet ceremonia mortore, nuk do të ketë prezencë të policisë me uniformë, por vetëm agjentë civilë.
Të pranishëm do të jenë edhe agjentë të Shërbimit Informativ Shtetëror.
https://tiranatoday.com/konstantin-je-heroi-yne-kacifa-jeton-ti-na-drejton-bularati-pushtohet-nga-flamujt-greke-foto/
