Qendra Spitalore Universitare në Tiranë po kalon momente të vështira pas qarkullimit të lajmeve se tetë mjekë kanë dhënë dorëheqjen, për shkak të kushteve të vështira në punë e tyre të përditshme.
Me anë të një letre drejtuar Kryeministrit Rama , Presidentit Meta dhe ministres së Shëndetësisë, Ogerta Manastirliu, mjekët kanë dhënë dorëheqjen gjatë paradites së sotme.
Menjëherë pas këtij lajmi janë vënë në lëvizje struktrurat drejtuese të ministrisë së Shëndetësisë, ndërsa zv.ministrja e Shëndetësisë, Mira Rakacolli është takuar në mënyrë urgjente për të kuptuar motivet e largimit nga puna të mjekëve të QSUT-së. Ndërkohë nga ana tjetër, shefi i i shërbimit të Urgjences, prof. Edmond Zaimi u ka thënë mediave se bëhet fjalë për një problem të brendshëm, kurse mjekët që kanë bërë kërkesën e tyre për dorëheqje vijojnë të jenë në punë në pritje për të marrë një përgjigje zyrtare nga ana e drejtorisë.
“Siç e shihni edhe vetë situata është e ngarkuar me shumë të sëmurë, jo vetëm të Tiranës por nga e gjithë Shqipëria, i kalon kapacitetet e shërbimit tonë, shtohet një ngarkesë e madhe për personelin çka bën që edhe gabimet të shtohen. Në këto kushte i gjithë stafi i Urgjencës ka shkruajtur një tip peticioni për drejtorin e Urgjencës por që akoma nuk është dorëzuar, me kërkesat tona për të rregulluar gjendjen. Janë problem që duam ti zgjidhim me forcat tona të brendshme. Ne nuk kemi dhënë dorëheqje në ;97, kjo është një kërkesë drejtuar drejtorisë. Ne të gjithë jemi në punë por ngarkesa është shumë e madhe”,është shprehur Zaimi.
Nga ana tjetër, zëvendës ministrja e Shëndetësisë ka zhvilluar një takim për 30 minuta me mjekët të cilët kanë njoftuar se kanë dhënë dorëheqjen, pasi sipas tyre, kushtet e punës janë shumë të rënda dhe nuk përballohet fluksi me mjetet e punës në dispozicion që ka urgjenca e QSUT-së.
Kush janë mjekët që kanë bërë kërkesën për të dhënë dorëheqjen nga puna në QSUT:
“Mësohet gjithastu se mjekët e dorëhequr me të cilët është takuar për 30 minuta zv.ministrja janë: Elton Calliku, Petrit Gjorgji, Besmir Kocia, Petrit Vargu, Jonida Kito, Eqerem Hasani, Afrim Yzeiraj dhe Etiomena Bracaj-shkruan Balkan Web.
Të gjithë në një mendje ata firmosën sot një letër ku dhanë dorëheqjen duke e arsyetuar se nuk kishin kushte pune dhe staf mjekësor, ndërsa ka mbingarkesë me të sëmurë të shtruar në spital.
Mjekët kanë njoftuar për tërheqjen 30 ditë përpara sipas Kodit të Punës.“Tërhiqemi nga pozicioni i punës. Nuk ka kushte pune për stafin mjekësor dhe ka mbingarkesë me të sëmurë të shtruar. Ka mungesë vendesh në pavianët e tjera dhe shërbimet nuk zbatojnë urdhrat. Po paralajmërojmë sipas kodit të punës 30 ditë përpara”- thuhet ndër të tjera në lerën e mjekëve të Urgjencës së QSUT.Burime nga drejtoria e QSUT bëjnë me dije për “BalkanWeb” se nuk ka mbërritur asnjë letër për dorëheqje.
Pse QSUT-ja ndodhet në këtë gjendje të vështirë:
Ish-ministri i Shëndetësisë, Ilir Beqja me koncesionet e bërë gjatë kohës kur ishte në krye të këtij institucioni, ka ngjallur debate të forta, pasi mënyra se si janë fituar tenderat e kompanive në sektorin e shëndetësisë nuk kanë qenë aspak transparente dhe nuk është zhvilluar një garë e hapur për subjektet të cilat do të fitonin projekte në fushën e shëndetësisë shqiptare.
Akuza të forta dhe denoncime të herëpashershme janë bërë nga ana e opozitës, pasi ata pretendonin se sektori i shëndetësisë është në një nivel shumë të rëndë, pasi asgjë nuk është transparente dhe kjo po shkatërron shëndetësinë shqiptare. Knçesionet e fituara nga Vilma Nushi kanë krijuar debate të nxehta dhe akuza të ndërsjellta mes palëve politike.
Kush është Vilma Nushi dhe si qëndron e vërteta e biznesit të saj për “Check up” :
Biznesmenia Vilma Nushi, ka fituar një nga koncesionet më të mëdha në Shqipëri, nga ana e qeverisë së Edi Ramës, për kontrollin shëndetësor falas i njohur me emrin “Check up”, të cilat do të financohet njëqin për qind nga shteti, nëpërmjet Vilma Nushit.
Sasia e parave është reth 100 milionë euro, janë të shtrira në një afat për 10 vjet, të cilat derdhen rregullisht nga arka e shtetit shqiptar, në arkën e kompanisë së Vilma Nushit për të realizuar kontrollet mjekësore “falas” për të gjithë shqiptarët nga jugu në veri.Askush nuk e di se përveç depove farmaceutike, apo dhe tregtinë e duhanit në të kaluarën, kompania e zonjës Nushi , mbeten mister në lidhje me shërbimet mjekësore të shqiptarëve.
