Kryeministri Edi Rama ka publikuar foto nga vizita e djeshme në Kukës, ku në fokus ishin punimet e aeroportit të ri ndërkombëtar.
Sipas kryeministrit, ky aeroport parashikohet të tërheqë 300 mijë pasagjerë vitin e parë, për të arritur në vite në 1 milion pasagjerë.
Lajmi më i rëndësishëm është krijimi i vendeve të punës, të cilat sipas Ramës janë jo pak, por plot 12 mijë.
“Nisin punimet për ndërtimin e aeroportit të ri ndërkombëtar “low cost”, i cili parashikohet të tërheqë rreth 300 mijë pasagjerë vitin e parë, për të arritur në vite në 1 milion pasagjerë, duke krijuar nga ana tjetër rreth 12 mijë vende pune në zonë si rezultat i aktivitetit të gjerë ekonomik që sjell aeroporti në jetën e një zone”, shkruan Rama në Instagram.
Në takimin me qytetarë kuksianë, kryeministri Rama tha dje se së shpejti “djemtë nga Kukësi do të vijnë direkt nga ky aeroport”.
