Nënkryetari i PD, Edmond Spaho, ka akuzuar Edi Ramën si një gënjeshtar pasi premton investime që nuk ekzistojnë. Ai ka shpëndarë në rrjetin social Facebook një video, ku ka nxjerrë premtimet e Ramës për aeroportin e Vlorës.
Spaho, në kundërpërgjigje të premtimeve të kreut të qeverisë, thotë se aeroporti i Vlorës mbeti projekt 3D, sepse BE refuzoi planin e Ramës për të vjedhur me biznesmenët e dyshimtë turq.
“Edi Rama është një kryeministër që vetëm gënjen. Gënjen nga mëngjesi në darkë, nga Jugu në Veri. Investimet që premton nuk ekzistojnë. Prej disa vjetësh mashtron vlonjatët për aeroportin e Vlorës. Aeroporti mbeti një projekt në 3D, sepse Bashkimi Europian e refuzoi planin e tij për të vjedhur me biznesmenë të dyshimtë turq. Edi Rama është një kryeministër i dalë bojë, që si mjet kryesor politik ka gënjeshtrën dhe mashtrimin e qytetarëve”.
