Një nga moderatorët më të mirë të televizionit, Adi Krasta komentoi gjuhën e përdorur nga kryeministri Edi Rama me gazetarët por edhe çështje të tjera që shkojnë përtej televizionit, mediat e gazetarisë. Në një intervistë për emisionin “Studio e Hapur” Krasta thotë se Rama është një figurë në rënie dhe ka shenja rrëshqitjeje dhe pasigurie dhe për këtë arsye ai nuk dëshiron që ta komentojë.
Krasta: Zakonisht në bisedat televizive dhe njerëzore në tavolina të ndryshme është e lehte të mbërrish në atë momentin kur diskuton për njerëz të rëndësishëm siç është edhe kryeministri. Unë kam ardhur me qejf në studion tënde, nuk do kisha dashur që intervista e sotme të ishte në kërkim të atyre titujve të lidhet me një gjykim për kryeministrin që s’është e qëllimi im dhe fusha e ekspertizës. Kam një moto të brendshme që nuk diskutoj figura në rënie, pasi kjo është gjithmonë jo e shëndetshme.
Në këtë vend është e vështirë të rrish në këmbë, ka qenë Noli i palumtur, Konica ka nxjerrë përcaktime të tmerrshëm për këtë vend. Duhet të jesh shumë i kulturuar, i devotshëm dhe i ndershëm që të sigurosh mos rënien e pashmangshme në këtë vend. Stigmatizimit janë shenja e të dobëtit, shoh shenja të rrëshqitjes, të pasigurisë.
