Ish-ministri i Drejtësisë, Ylli Manjani, është marrë në pyetje lidhur me hetimet që Prokuroria po kryen për abuzimet me tenderat e Ministrisë së Drejtësisë.
Mësohet se Manjani ka qëndruar për dy orë në Prokurori.
Kujtojmë se disa javë më parë, u vunë nën masë sigurie 11 zyrtarë të Ministrisë së Drejtësisë, pas dyshimeve për abuzim me 5 tendera të dhënë në periudhën 2016-2017.
Kallëzimi penal është bërë nga Ministria e Financave, pas auditit financiar të kryer. Përveç Manjanit, Prokuroria pritet të marrë edhe dëshminë e Petrit Vasilit dhe Gazmend Bardhit, ndërsa është duke u verifikuar përgjegjësia e tyre në procedurat e tenderave.
