Abazaj? Besnik Hasi: Belgjika nuk është Shqipëria, nuk ka kushtuar shumë

Transferimin e Kristal Abazajt tek ekipi belg i Anderleht e ka komentuar edhe Besnik Hasi. Ish-mesfushori i kombëtares shqiptare është shprehur i lumtur që një shqiptar tjetër u bë pjesë e këtij ekipi ku ai ka qenë një lider për shumë vite si futbollist e më pas si trajner. Por ai shprehet se nuk di të thotë nëse Abazaj do të arrijë ti tregojë vlerat e tij në futbollin belg, i cili është shumë më i vështirë se ai me të cilin është mësuar.“Jam i lumtur që një tjetër shqiptar firmosi me Anderlehtin, por unë të vërtetë nuk e njoh Abazajn. Nuk ndjek kampionatin shqiptar shumë mirë dhe ai ishte grumbulluar vetëm një herë me Kombëtaren”, shpjegoi Hasi për mediat belge.“Miqtë e mi më kanë treguar se Abazaj ka potencial. Ai është një lojtar i rrufeshëm në krah, po të kalosh të gjithë në Shqipëri, nuk do të thotë detyrimisht që mund ta bësh edhe në Belgjikë gjithashtu. Me sa kam dëgjuar, ai nuk është një lojtar që ka kushtuar shtrenjtë. Devroe (drejtori sportiv), nuk ka rrezikuar me të”, tha Hasi.