Fabio Gaudenzi pritet të publikojë emrat e vrasësve të Fabrizio Piscitellit, i njohur ndryshe me nofkën “Diabolik”. Ky i fundit ka qenë kreu i tifozëve të Lazios, i cili u ekzekutua me plumb në kokë mbrëmjen e 7 gushtit të këtij viti, në parkun Aqueducts të Romës.
Pas vrasjes, prokurorët janë duke hetuar se kush e ka kryer ekzekutimin e Pisticellit. Gaudenzi, i cili është arrestuar në kuadër të hetimeve të kryera, u mor në pyetje nga hetuesit, nën dyshimin se ka kryer vrasjen.
Gaudenzi ka treguar se do të dëshmojë se si ish-kreu i tifozëve lacial është vrarë nga mafia shqiptare, drejtuar nga Arben Zogu dhe bashkëpunëtori i tij i dyshuar Adrian Comani. Hetuesit hedhin dyshime se personat e përmendur janë të rrezikshëm.
Vetë Fabricio Piscitelli thuhet se ka qenë anëtar i mafies napolitane “Camorra”, e cila ka shtrirë aktivitetin e saj edhe në Romë.
Dyshohet se ekzekutimi i Fabrizio Piscitellit ndodhi për shkak të pazareve të drogës dhe konflikteve midis bandave kriminale.
