Ish-Kryeministri Sali Berisha ka folur përsëri për ngjarjen e 21 janarit, ku u vranë 4 persona gjatë protestës së organizuar nga PS.
Berisha i ftuar në ABC News është shprehur se nuk u frikësohet organeve të reja të drejtësisë pasi sipas tij, ai ka zbatuar vetëm ligjin. Po ashtu, ish-kryeministri tha se më 21 janar garda ka vepruar brenda kuadrit të ligjit.
Gazetarja: Pa dashur që ta çoj në ekstrem por akuzoheni për 21 Janarin?
Berisha: Për çfarë?
Gazetarja: Për 4 të vrarët në Bulevard.
Berisha: Po kush i solli aty? Unë i solla? A i solli Edi Rama? Kush ishte komandat i grupit të zjarrit? Ka qenë ai që sot është kryetar i PS-së për Matin.
Gazetarja: Një njeri duhet të marrë urdhër që të veprojë?
Berisha: Jo këtu është gabimi. Garda nuk merr urdhër. Ky është i gjithë problemi. Garda nuk merr urdhër. Garda me ligjin që ka bërë qeveria e PS-së, por them se mund të jetë edhe i vendeve të tjera, garda nuk merr urdhër, nuk qëllon me urdhër. Grada funksionon në këtë formë. Po i gjuajte të gjuan një herë, po vazhdove ta gjuash me objektet të forta të gjuan tek këmbët. Po vazhdove ta gjuash të eliminon.
