Ish-deputeti i PD-së, Ervin Salianji, ka mbështetur idenë e hapjes se partisë, por ka kërkuar që paralelisht me këtë të vlerësohen figurat që sipas tij, kanë kontribuar dhe kanë bërë betejë kundër qeverisë në këto 6 vite.
I ftuar në studion e Ora News, Salianji theksoi se në këtë kërkesë të tij nuk nënkupton ish-zyrtarët e PD-së që sipas tij, janë përdorur nga kryeministri Rama.
Gjatë intervistës, Salianji u pyet nëse në këtë listë bënte pjesë edhe ish-kryetarja e Kuvendit, Jozefina Topalli. Ish-deputeti u përgjigj se ajo vazhdon të jetë anëtarë e Këshillit Kombëtar të PD-së, por se nuk e ka parë të japë kontribut në asnjë mbledhje.
“Kjo nuk është çështje emrash. Emri konkret nuk është i larguar nga PD për shkak të statutit, është anëtare e këshillit kombëtar dhe nuk e kam parë në asnjë mbledhje të japë kontribut. Sa kam parë unë në këto 6 vite të PD-së nëse njerëz që për shkak të angazhimit ose për shkak të përbaltjes, apo për shkak se mund të vendoset pas aksioneve duke tentuar që ti baltosë mund të promovohet dhe këtë nuk kam kompleks ta them për asnjë personazh dhe këtë nuk kam kompleks ta them për asnjë personazh, qoftë ky edhe personi në fjalë. Unë them që nëse do duan nuk i ka penguar njeri. Unë shoh një qëndrim të opozitës për t’u afruar drejt figurave apo drejtë personaliteteve qofshin këta edhe njerëz që mund të mos kenë pasur qëndrime, apo që mund të kenë dëmtuar rëndshëm PD-në. Siç ka qenë qëndrimi i personave që kanë dalë kundër në fushatën e 2017 dhe sot ndodhen në kryesi dhe ne forume të larta, që dhe persona që kanë kontribuuar nuk i kanë atë fat. Kështu që kjo çështja e trajtimit me përkëdheli sikur disa janë të nënës dhe disa të njerkës, disa që njohin pushtetin dhe disa që njohin opozitën, besoj se u është bërë bajat shumë njerëzve”, tha Salianji.
