Ish-ministri i Brendshëm, Saimir Tahiri, doli sot në një konferencë për mediat ashtu siç ai kishte paralajmëruar që pas vendimit të marrë nga gjykata.
Tahiri u shpreh i bindur në drejtësinë e tij, teksa u shpreh se nuk do ta komentojë vendimin e gjykatës, por do i përgjigjet këtij vendimi me ankimim në Gjykatën e Apelit.
Pas deklaratës së tij, ai u pyet nëse ai ka marrë ndonjë mesazh nga Partia Socialiste, si dhe a është i kënaqur pas vendimit të gjykatës, duke qenë se ishte ai i cili e hodhi idenë e kësaj reforme në 2016.
“Sa i takon pyetjes a kam marrë mesazhe…s’besoj te jetë kuriozitet. Unë komunikoj normalisht me disa, disa të tjerë nuk i njoh fare..falenderoj të gjithë ata (populli) që më kanë shkruar edhe s’kam mundur t’i kthej përgjigje.
Duke respektuar dhe duke bërë timen, drejtësinë që kërkoj, duke besuar në atë që kam bërë, reforma në drejtësi nuk funksionon, nuk e them dot. Mund të them se sistemi nuk funksionon…Më vjen keq për të tjerët që ky sistem ka marrë në qafë…E kam kuptuar vonë”, tha ai.
