Pas përfundimit të takimit që u zhvillua mes delegacionit të Venecias dhe anëtarëve të Komisionit Hetimor, drejtues i delegacionit, Kaarlo Tuori u shpreh se tashmë e ka një ide të qartë lidhur me ligjshmërinë mbi vendimin e Metës për anulimin e zgjedhjeve të 30 qershorit.
Në një deklaratë për mediat, Tuori lajmëroi se raporti përfundimtar i Komisionit të Venecias me konkluzionet në lidhje me kërkesën e mazhorancës për shkarkimin e Metës, si dhe verifikimin e ligjshmërisë për zhdekretimin e 30 qershorit, do të publikohet më datën 11 tetor.
“E kemi një ide të qartë, nëse e ka shkelur Presidenti Kushtetutën. Të gjitha takimet kanë qenë produktive, pasi morëm një informacion për të krijuar opinionin që do të dalë në 11 Tetor” tha drejtues i delegacionit.
Pas fakteve të mbledhura, u krijua edhe një ide mbi faktin nëse Meta ka shkelur apo jo Kushtetutën me zhdekretimin e datës së zgjedhjeve.
