Ish-ministri i Drejtësisë, Ylli Manjani, ka shuar kureshtjen e qytetarëve lidhur me zërat që qarkulljnë se Meta mund të dorëhiqet nga posti i Presidentit, për t’iu rikthyer politikës aktive. I ftuar në studion e lajmeve të ‘syri.net’, Manjani tha se ai e ka mbështetur vazhdimisht këtë ide.
Sipas tij, Meta në Presidencë është humbje kohe, pasi sot ai i mungon politikës shqiptare. “Është pak e veçantë sjellja e presidentit. Nuk shoh ndonjë sjellje antikushtetuese.
Presidenti i Republikës është kryetar shteti, dhe një kryetar shteti nuk rri pa gojë, pa sy, pa veshë, se kështu i intereson kreut të qeverisë. Ai nuk ka dekretuar një ministër.
Unë jam nga ata që herët e kam mbrojtur këtë pikëpamje. Ilir Meta është kohë e humbur në Presidencë. Ilir Meta i mungon politikës”, tha ai.
