Ish-kryeministri Sali Berisha, dha dorëheqjen nga kreu i Partisë Demokratike në vitin 2013 pas humbjes së zgjedhjeve, por diçka të tillë, nuk e ka bërë kryedemorkati Lulzim Basha, madje ai është në garë, për një tjetër mandat në krye të selisë blu.
Por, a duhet ta jepte dorëheqjen Basha pas humbjes së zgjedhjeve të 25 prillit? I ftuar në emisionin ”PolitkOn”, Berisha tha se kjo është një çështje individuale.
Lidhur me garën brenda PD-së, Berisha tha se nuk ka asnjë kandidat të preferuar, teksa u bëri thirrje demokratëve, që të bëjnë gjithçka në mënyrë që të dalin faqebardhë nga këto zgjedhje.
Sali Berisha: ”Kjo është çështja e individit, por kjo pyetje nuk mund t’i bëhet dikujt që e ka dhënë dorëheqjen. Për mua shekullin e shqiptarëve e përmbys droga, krimi dhe pazaret me territoret. Kur e shndërron vendin në delen e zezë duke e quajtur Shqipërinë narko-shtet dhe qendër të krimit Evropian, aq sa kërkojnë heqjen e vizave. Koha ecën pas dhe para.
Unë nuk preferoj asnjë kandidat dhe u bëj thirrje demokratëve që të bëjnë gjithçka për dinjitetin e kësaj gare sepse është në interesin më të mirë të PD-së që të dalë faqebardhë. Unë nuk ndërhyj për asnjë kandidat.”
