Në media, kohët e fundit, ka qarkulluar lajmi se aktori i humorit Ermal Mamaqi mund të largohet nga “Tv Klan”, ndërsa shumë persona të tjerë vinin në dyshim vazhdimësinë e emisionit që moderohet nga vetë ai, “Xing me Ermalin”.
I ftuar në emisionin “Treshat”, Ermali ka folur ditën e djeshme për herë të parë lidhur me këto aludime, e që tërhoqën vëmendjen e publikut.
“A do vazhdojë ‘Xing me Ermalin’ sezonin e ardhshëm?”, e pyeti Bora ndërsa Ermali iu përgjigj: “Do vazhdojë patjetër, besoj”.
“Do të vazhdojë në Klan?”, e pyeti Bora.
“Po, besoj, patjetër në Klan”, iu përgjigj Ermali.
“Besoj, patjetër? Do të thotë mund të jetë edhe një gjë tjetër?”, vazhdoi Bora.
“Po, mund të jetë një gjë tjetër”, u përgjigj Ermali, duke mos dhënë një përgjigje konkrete nëse do të ndryshojë ekran a jo.
