Kreu i PD-së, Lulzim Basha i është përgjigjur thirrjes së Ramës për të filluar negociatat për ligjin e vettingut. Basha tha se nuk ka asnjë gjë për të negociuar, pasi ligji është i njëjtë me atë të gjyqtarëve dhe prokurorëve. Po ashtu Basha lajmëroi dhe aksion të fortë opozitar, duke mos përjashtuar as protestat.
“Ligji është negociuar njëherë është identik me atë të gjyqtarëve dhe prokurorëve që është miratuar me konsensusin, gjuha është e njëjta me atë që u votua për gjyqtarët dhe prokurorët, nuk ka mbetur asgjë për negociuar. I njëjti rregull, kemi propozuar të shtohen subjektet, të shtohen politikanët, ose votohet ose rrëzohet. Ne e votojmë pro, opozita ka marrë vendim nga Elbasani, për ta votuar pro. Ramën pyeteni nëse do ta votojë pro ose jo. Ai ka një detyrë të mos pengojnë e ta sjellë në seancë. Ligji është shumë i qartë, nuk ka nevojë negociata me Ramën ai vetëm duhet të votojë. Koha për të dredhur bishtin ka marrë fund, Rama duhet t’i jap llogari Shqiptarëve”.
Ndër të tjera kryetari Lulzim Basha është shprehur se e vetmja rrugë për të pastruar politikën nga krimi është vetëm vettingu i saj, por Basha është shprehur se kjo nuk mjafton.
“Së bashku me vettingun është i nevojshëm edhe një aksion popullor. Opozita është pro pastrimit të drejtësisë dhe politikës nga krimi. Ligji që sapo kemi dorëzuar në kuvend ka për qëllim që ministri i brendshëm, ai i drejtësisë por edhe kryeministri të mos ketë lidhje me krimin. PD shqiptarët kanë shpenzuar shumë energji këto 5 vite për të luftuar kriminelët që futi në politikë Edi Rama. Na është dashur të kohë dhe energji për të larguar kriminelët e Ramës dhe akuzat tona janë vërtetuar. Shqipëria qeveriset nga bandat dhe bosët e krimit të organizuar, qeveria ka rënë. Nuk mjafton vetëm vettingu i politikaneve, por edhe një aksion i fuqishëm populluar janë të domosdoshme”, tha Basha.
Më tej, ai u pyet nëse do të negociojë me mazhorancën, por Basha është shprehur se ligji është i njëjtë me atë të gjyqtarëve dhe është depozituar për votim tashmë. “Ligji është negociuar një herë, ky është një ligj i njëjtë me atë të gjyqtarëve. Gjuha e ligjit është e njëjtë. Nuk ka mbetur asgjë për t’u negociuar. Kjo ose votohet ose rrëzohet. Ne do të votojmë pro”, tha Basha.
