E enjte, 20 Janar, 2022
-3.5 C
Tirana

A do ta përfshijnë gjithë Evropën, bllokimet dimërore ndaj Covid-19?

Nga: Ido Vock

Austria hyri në bllokim të plotë të hënën e 22 nëntorit, duke qenë vendi i parë në Evropën Perëndimore që rivendosi një mbyllje të madhe këtë dimër. Kjo masë erdhi disa javë pasi Holanda, ku rastet janë gjithashtu në rritje, vendosi një të ashtuquajtur “lockdown-lite” (bllokim të lehtë”, duke detyruar disa bizneseve dhe mjedise publike që të mbyllen herët.

Në të gjithë kontinentin, janë në rritje rastet e reja me Covid-19. Në Evropën Perëndimore, ku mbulimi me vaksina është përgjithësisht i mirë, por sërish me hapësirë ​​për përmirësim, një rritje e numrit të rasteve po përkthehet në një numër më të madh të vdekjeve (edhe pse mbetet shumë poshtë kulmeve të mëparshme para vaksinimit).

Ndërkohë, disa vende të Evropës Lindore, ku normat e vaksinimit janë më të ulëta, po përjetojnë aktualisht disa nga normat më të këqija të vdekshmërisë që nga fillimi i pandemisë. Normat e fundit të vdekjeve në Rumani dhe Bullgari, vendet më pak të vaksinuara në BE, ishin më të lartat në këto vende që nga fillimi i pandemisë, edhe pse tani janë në rënie. Për pasojë, bllokimet -të cilat prej kohësh mendohej se ishin bërë të tepërta për shkak tëvaksinave-janë duke u rikthyer në Evropë. Po çfarë shkoi keq? Shumë vende ishin shumë të relaksuara për shkak të normës së mirë të vaksinimit gjatë verës, kur normat e rasteve me Covid-19 ishin të ulëta.

Por apelet e politikanëve, nuk arritën që të rrisnin në nivele të mjaftueshme normat e vaksinimit të popullatës. Disa qeveri, si ato në Gjermani dhe Austri, vendosën shumë vonë kufizime për të pa vaksinuarit, dhe ishin shumë të dobëta në zbatimin e tyre.

Në të kundërt, vende si Italia dhe Franca, që zbatuan me rreptësi që në verë një sistem të pasaportave të vaksinave, po përfitojnë tani nga normat e larta të vaksinimit. Qeveritë mund të kishin zbatuar zgjidhje më kreative, duke përdorur si “karotën” po ashtu edhe “shkopin”. Për shembull, a mund t’i kishin paguar qytetarët në këmbim të vaksinimit? Në rast se një masë e tillë do të ndihmonte në parandalimin e bllokimeve më të kushtueshme, duke nxitur rritjen e normës së vaksinimit, kjo masë do ta kishte shpërblyer shumë herë veten e saj.

Lexo edhe :   Drejtori ekzekutiv i Pfizer: Normalitetit do t'i rikhehemi në pranverë

Një rrezik tjetër, është se fushata e dozës përforcuese të vaksinës në Evropë, ka qenë nëpërgjithësi e ngadaltë. Shumë evropianë do të mbushin së shpejti 6 muaj nga marrja e dozës së dytë, kohë kur ka shumë prova në rritje që tregojnë se efikasiteti i vaksinës fillon që të zbehet.

Megjithatë, blloku ka administruar 6 doza përforcuese për 100 banorë, krahasuar me 44 në Izrael, 22 në Britaninë e Madhe dhe 10 në SHBA. Kufizimet e reja, kanë shkaktuar protestatë mëdha popullore. Në Holandë, disa protestues kundër bllokimit u shtruan në spital pasi policia i qëlloi me municion të vërtetë, ndërsa demonstratat në qytetin–port të Roterdamit degraduan në të dhunshme. Protestuesit dolën gjithashtu në rrugë në Belgjikë, Austri dhe Francë gjatë përleshjeve të dhunshme midis protestuesve dhe policisë. Përveç bllokimit, qeveria austriake ka deklaruar se duke nisur nga shkurti i vitit të ardhshëm do ta bëjë të detyrueshëm vaksinimin për të gjithë popullsinë e kualifikuar për vaksinat anti-Covid. Vende të tjera mund të ndërmarrin hapa të ngjashëm.

Lexo edhe :   Greqia paralajmëron zgjatje të masave kufizuese

Një ministër gjerman,deklaroi javën e kaluar se vaksinimi i detyrueshëm tani është “i pashmangshëm”. Gjithsesi, hapa të tillë mund të mos zbatohen me një shpejtësi të mjaftueshme për të parandaluar rikthimin e më shumë kufizimeve gjatë muajve të ardhshëm. Edhe ky mund të jetë një dimër tjetër i gjatë. / “New Statesman” – Bota.al

- Reklama -

Më shumë nga kategoria




Të fundit

Basha i përgjigjet Metës pas takimit me Ballën

Kryedemokrati Basha ka dhënë garanci se PD nuk do t’i iki asnjë beteje, përfshirë edhe zgjedhjet vendore. Qëndrimi i tij pason pas deklaratës për...

Krijohet sistemi që “parashikon” pacientët më të rrezikuar me Covid-19

Shkencëtarët në Gjermani kanë zhvilluar një sistem të ri të inteligjencës artificiale, i cili analizon proteinat në një mostër të vetme gjaku te një...

PD po shkon drejt ndarjes?

Nga: Artur Ajazi Mendimi për një ndarje të mundshme të PD-së, po shprehet dhe promovohet hapur ditët e fundit në çdo ambient mediatik. Në dukje...

Në kërkim të racës Ariane: Misioni i bujshëm i nazistëve në pyjet e Amazonës

Nga: Pietro Emanueli Nazistët kishin një koncept racist mbi botën dhe marrëdhëniet ndërkombëtare, brenda së cilës Gjermania ishte qendra e gjithçkaje, dhe ishte mbi të...

Bardhi: Asnjë habi nga trekëndëshi i Bermudës.Reagon Blushi: Ç’na polli belaja!

Sekretari i Përgjithshëm i PD-së, Gazment Bardhi, ka reaguar sa i takon qëndrimit publik të presidentit Meta, pas diskutimit për datën e zgjedhjeve të...