Kreu i LDK-së Isa Mustafa zhvilloi ditën e sotme një takim me Presidentin e Kosovës Hashim Thaçin.
Përgjatë një deklarate mediatike, Mustafa iu përgjigj pyetjes së rëndësishme nëse do mbahen apo jo zgjedhje të reja, pas rrëzimit të Qeverisë Kurti me mocionin e mosbesimit.
Përgjigja që dha Mustafa është: JO!
Ai deklaroi se aktualisht nuk është koha që të shkohet në zgjedhje, duke iu referuar situatës së shkaktuar nga koronavirusi.
“Diskutuam për daljen nga kjo situatë, u informuam nga Presidenti për opsionet kushtetuese.
Si LDK vlerësojmë se nuk është koha që të shkohet në zgjedhje për shkak të situatës me koronavirus, dhe po ashtu jemi të bindur se edhe zgjedhjet në këtë periudhë nuk do të na sillnin në një situatë tjetër jashtë asaj që sot jemi duke marrë pjesë vullnetin politik të subjekteve që hyjnë dhe dalin në zgjedhje dhe mocionin e mosbesimit e kanë votuar 82 deputetë, që ka të drejtë Kushtetutën ta ndryshojë.
Jemi për atë që të bëhet një qeveri e re, që e ka parapa edhe Aktgjykimi i vitit 2014-të, kjo qeveri do të zotohej me të gjitha kapacitetet në luftën kundër virusit korona, të punojë në zhvillimin ekomomik sepse do të ballafaqohemi me një situatë shumë të rëndë ashtu si po paralajmërohet, ne jemi një vend i pazhvilluar dhe duhet të kem një kujdes të veçantë, po ashtu me nevojën e dialogut me Serbinë, për çfarë duhet të jemi të përgatitur dhe po ashtu duhet të kemi një shumicë në Kuvend”, tha Mustafa.
