Mbrëmjen e sotme në emisionin “Opinion” Ministri Arben Ahmetaj i është përgjigjur pyetjes së një qytetari lidhur me kreditë dhe mundësitë e shtyrjes së tyre edhe për tre muaj.
Sipas Ahmetaj, ky vendim pritet të merret javën e ardhshme, me Guvernatorin e Bankës.
“Cila është logjika? Logjika është kjo. Nëse ty të shtyhet pagesa e kredisë në Maj, atëherë natyrshëm pyet: po unë s’po punoj si do të paguaj kredinë?
Kryeministri pasi ka lexuar kërkesat, ka kërkuar që javën tjetër të bëhet sërish me guvernatorin një shtyrje tjetër kredish, në mënyrë që t’u jepet kohë.
Do të shtyhet edhe tre muaj të tjerë. Që t’u japim mundësi të gjithë qytetarëve që të kenë dy apo tre muaj punë që të paguajnë kredinë”, pohoi Ahmetaj.
