Kandidati për kryetar në Partinë Demokratike, Agron Shehaj nuk ka preferuar të komentojë shpalljen ”non grata” të ish-kryeministrit Sali Berisha nga Departamenti amerikan i Shtetit.
Gjatë një konference për mediat, Shehaj u pyet nga gazetarët nëse do ta largonte Berishën nga Partia Demorkatike, nëse do të zgjidhej në krye të kësaj force politike.
Ai tha se Berisha është lideri historik, i cili ka një konribut të jashtëzakonshëm për demokracinë dhe Partinë Demokratike.
Agron Shehaj: ”Përsa i takon kësaj çështjeje, nuk ka asnjë diskutim se Sali Berisha, është lideri historik i cili ka kontribut të jashtezakonshëm për demokracinë dhe Partinë Demokratike. Për shpalljen e tij ”non grata”, nuk dua të jap asnjë koment.”
Më 13 qershor, Partia Demokratike zhvillon zgjedhjet për kryetarin e ri. Përballë Lulzim Bashës, do të garojnë Edi Harxhi, Agron Shehaj dhe Fatbardh Kadilli.
