Deputeti i PD-së Edi Paloka foli edhe për ata që kanë lidhje dashurore brenda PD-së me persona nga PS-ja. I ftuar në “Drejt” nga Luan Rama në RTV Ora, Paloka tha se nuk mund të ndalohen njerëzit të dashurohen dhe të martohen me njerëz nga PS-ja, e t’u thuhet që të martohen vetëm brenda partisë.
“Nuk mund të themi që për t’u martuar duhet të martohemi brenda partisë, sepse na rroftë ai 50-vjeçari që kaluam dhe nuk mund të gjykojmë dikë për ndjenjat dhe lidhjet e dashurisë, qoftë edhe nga krahu tjetër.
Ne gjykojmë për atë që kandidati që mund t’u japë qytetarëve. Edhe një pjesë e madhe e socialistëve janë të pakënaqur me socialistët, që nuk kanë fare lidhje me Rilindjen. Të gjithë socialistët nëse gjykojnë duhet të votojnë për kandidatët e PD-së”.
