Në një konferencë për media, ish-kryeministri Berisha paralajmëroi se gjatë protestës së ditës së nesërme, do përdoren të gjitha format e mosbindjes civile, ndërsa i kërkoi Policisë së Shtetit “të mos bëhet mercenare e Edi Ramës”.
Berisha është shprehur se Lulzim Basha është i përjashtuar nga protesta nesër në orën 16:00, sepse sipas tij, ai duhet të sqarojë akuzat e tmerrshme që ka.
“Të gjithë mund të vijnë përveç Lulzim Bashës, i cili duhet të sqarojë akuzën e tmerrshme që ka, të tjerët janë anëtarë të PD-së dhe nuk mund të më marrin mua leje, ata që të protestojnë kundër qeverisë.
Lulzim Basha ka një akuzë të tmerrshme, ka deklaruar që nuk është e vërtetë, por nuk ka dhënë asnjë fakt, asnjë provë për ato akuza konkrete që ekzistojnë aty dhe hetimi këtu tek selia po vazhdon që kështu. Mendoj se është shumë i detyruar të zbardhë, të ketë burrëri, të tregojë edhe nëse i takon të hyjë brenda, ose të shpallet i penduari i drejtësisë dhe fiton lehtësi, por të tregojë të vërtetën”, ka thënë Berisha.
