Deputetja e Partisë Demokratike, Grida Duma, ka lënë sot mandatin me mesazhin që PD-ja duhet të bashkohet. Në deklaratën e dhënë para Kryesisë së Kuvendit, Duma kërkoi që vota të maksimizohej, ndërkohë që shtoi se lideri historik duhet respektuar në çdo formë, referuar kryedemokratit Sali Berisha. Por çfarë parashikojnë yjet në këtë drejtim?
Astrologu Jorgo Pulla, në një intervistë për “Euronews Albania” është shprehur se Grida Duma pas lënies së mandatit të deputetes, do të ketë një karrierë të suksesshme.
Sipas tij, Duma do të ketë një biznes shumë të mirë, edhe pse kohët e fundit ka kaluar një situatë shqetësuese.
“Grida Duma mund të ishte larguar që vjet në maj ose parvjet në shtator. Duma do të ketë një karrierë shumë të suksesshme.
Ajo ka për të ecur shumë mirë në karrierën e saj, edhe pse një çështje e vështirë ka kaluar. Me mediat do të ketë probleme shumë të mëdha. Nëntori është muaji më i vështirë i 30 viteve të fundit. Kjo lidhet me ndryshimet, marsi në retrograt. Grida mund të bëjë një biznes shumë të rëndësishëm, në komunikim”, tha ai.
