Deputetja demokrate Flutura Açka shprehu shqetësimin e saj teksa ishte e ftuar në emisionin “Drejt” nga Luan Rama, se PD në këtë situatë që është, po i shtyn demokratët që të votojnë majtas.
Açka tha se të dyja kampet në PD kanë numrat e tyre, dhe se nuk mund të flitet për shumicë, derisa nuk luftohet përballë Edi Ramës.
“Gjëja që më shqetëson më shumë në këtë proces, është që po i shtyjmë demokratët që të votojnë majtas. Mendoj se është një thyerje e ingranazheve të demokracisë.
Këto janë palë pavarësisht se mediat i prezanton dhe thotë se Berisha është kryetar i PD-së, kur është kryetar i Foltores.
Në Elbasan ndarja është 50 me 50. Sa kohë nuk jemi vënë në provë, të thuash se shumica është këtej apo andej.
Çështja nuk është se kush është më shumë, por të mundim Edi Ramën që i ka hedhur tentakulat në çdo qelizë të vendit”, tha ajo.
