Ish-deputeti Astrit Patozi e sheh të zymtë situatën brenda PD-së, duke shtuar se dy grupet duhet të bëjnë marrëveshje që të dalin me një kandidat të përbashkët. I ftuar në studion e “Euronews Albania”, Patozi tha se fillimisht duhet të shuhet zjarri brenda kësaj partie, e më pas për të arritur marrëveshjen.
“E shikoj të zymtë panoramën brenda PD-së. Fillimisht duhet të shuhet zjarri brenda kësaj partie, e më pas për të arritur marrëveshjen.
Ne nuk mund të themi nëse gjithçka është rozë. Mendoj se përgjegjësia është e atyre që nuk arritën në marrëveshje. Kemi shpresë që në ditët që vijojnë, opozita të dalë me një kandidat të PD-së.
Brenda PD-së janë krijuar dy etnitete politike. Nuk ka rëndësi kush ka mazhorancën apo minorancën”.
Pak javë më parë, Patozi u shpreh se Partia “Bindja Demokratike” do të dalë në zgjedhjet lokale me kandidat më vete.
