Ish-kryeministri Sali Berisha ka shprehur qëndrimin e tij në lidhje me protestën e 12 nëntorit, dhe ka derguar një mesazh për kreun e qeverisë Edi Rama që të mos e provokojë popullin demokrat. Ai tha se qytetarët presin me padurim datën 12.
Sali Berisha: “Ka një frymë urrejtje e revolte të papërmbajtur. Njerëzit me padurim po presin datën 12.
Njerëzit thonë pse po vonohet kjo. Një situatë inkandeshente më mirë se kushdo tjetër e ndjen Edi Rama që shkon e struket në strofulla.
E kur e pyet gazetari thotë pse Oso Kuka do bëhem unë?
Ramës i kujtoj që ka pasur edhe 20 shkurt, e mos e provoko popullin demokrat, kaq i them.
Fitorja e opozitës është, duket”.
Më herët, kreu i PD-së, Sali Berisha, ka deklaruar se 12 nëntori do të shënojë protestën më të madhe që është mbajtur ndonjëherë në Shqipëri. Sipas Sali Berishës, të gjithë shqiptarët kërkojnë largimin e Edi Ramës dhe qeverisë së tij një orë e më parë.
