Pensionistët do të marrin bonusin e fundvitit, pavarësisht situatës së vështirë. Kjo është konfirmuar sot nga ana e kryeministrit Rama, i cili nga Gjirokastra theksoi se me apo pa luftë, ata do marrin bonusin e tyre. Kreu i qeverisë Edi Rama ka treguar se po bëhet gati bonusi, ndërsa shtoi se për këtë kategori mbetet shumë për tu bërë!
“Më dridhet zemra kur flas për pensionistët, se e di shumë mirë, duke qenë dhe gati dy metra, më mirë të qep gojën se të flas për këtë gjë se nuk e bëjmë dot atë që meritojmë. Por të paktën atë që i bën të marrin frymë të papenguar.
Në këto kushte, dy herë i kemi bërë indeksimin. Të paktën, ajo pak të mos bëhet dhe më pak. Nuk kemi bërë herën e dytë paketë rritjeje të përkohshme. Po bëjmë gati bonusin e fundvitit. Luftë apo jo, bonusin e fundvitit do e marrin një më një”, tha Rama.
