Pas më shumë se një viti, një përfaqësues i grupit të Alibeajt, Gazment Bardhi u takua për një orë në një kafe me Edi Palokën. Ky i fundit bëri me dije se edhe pala tjetër kishte ardhur në tavolinë me vullnet, dhe kërkonte një kandidat për zgjedhjet e ardhshme lokale.
Paloka u shpreh për mediat se takimi nuk ka dështuar, dhe se ka një vullnet të përbashkët për të dalë me një kandidat. Kreu i Këshillit Kombëtar të Partisë Demokratike, Edi Paloka, e ka cilësuar të vlefshëm takimin e sotëm me kolegun e tij demokrat, Gazment Bardhi.
“Nuk mund të quhet i dështuar takimi i sotëm. Ka vullnet për të dalë me një kandidat të përbashkët. Ju lutem, kaq për sot, kur të kemi diçka më shumë, do ‘ua them”, tha Paloka.
Takimi mes të dyve është zhvilluar në një lokal pranë Kuvendit të Shqipërisë. Kujtojmë që komunikimet kanë vazhduar prej ditësh brenda Partisë Demokratikë.
