Partia e Lirisë ka reaguar menjëherë pas akuzave të kryeministrit Rama, për qëndrime të ndikuara nga para ruse. Rama akuzoi drejtuesit e opozitës së flasin të ndikuar nga Rusia, duke shigjetur opozitën si të ‘futur shumë thelle në thesin e parave ruse’. Në kundërpërgjigje, Partia e Lirisë e cilëson Ramën si të zhytur shumë thellë në axhendën antikombëtare.
“Tregtari gjakprishur dhe faqezi i kufijve të Kosovës, bllokuesi kryesor i integrimit europian të vendit, është i zhytur shumë thellë në axhendën e fëlliqur antikombëtare.
Ndaj e shohim dhe në rolin e zëdhënësit të qarqeve më antishqiptare. Tezat e tij famëkeqe kundër Kosovës (kombi kosovar, mosnjohja e genocidit dhe quajtja konflikt humanitar apo operacion ushtarak) që prezantoi para Asamblesë së Përgjithshme të Këshillit të Europës, të gatuara në Beograd me mbështetjen e Rusisë, nuk përbëjnë asnjë surprizë për çdo shqiptar patriot dhe të ndershëm!
Bojkotimi që iu bë në Strasburg nuk mbulohet dot me insinuata që nuk trembin më as Lulin. Koha e Llogaridhënies po afron!”.
