Deputetja e PD-së Jorida Tabaku dhe Ministri i Drejtësisë, Ulsi Manja, kanë replikuar në Kuvend për punën e Prokurorisë së Posaçme. Tabaku hodhi akuza ndaj qeverisë se po pengon SPAK-un me punët hetimore. Menjëherë në kundërpërgjigje, ministri Manja tha se ata që e sulmojnë strukturën e Posaçme janë të krahut të saj.
“U desh vullneti i socialistëve që drejtësia të jetë e pavarur dhe jashtë politikës. Parlamenti e ka të përcaktuar qartë se si Parlamenti e ushtron pushtetin mbi një pushtet tjetër të pavarur. Sot drejtësia po bën detyrën. Nëse keni raste konkrete ku është ndërhyrë thojeni këtu në këtë sallë. Mazhoranca është si drita e diellit ndryshim me Partinë Demokratike”, tha Manja.
“Ka qenë kjo mazhorancë që e ka inkurajuar drejtësinë e re. Nuk mund të thoni drejtësisë pse nuk bëni këtë, pse nuk bëni atë. Hajde thoni emra kush e ka intimiduar drejtësinë. Lëreni drejtësinë të bëjë punën e vetë. SPAK po bën detyrën. Hetimi nuk mbaron brenda ditës. Kjo është përgjigjja”, shtoi ministri Ulsi Manja.
Tabaku ka replikuar sërish me Manjën, duke thënë se ai duhet të ishte para drejtësisë.
“Pse e kërcënoni SPAK-un z. Manja? Është bërë institucioni më i sulmuar. Ku është parë të sulmohet drejtësia dhe të jepet urdhër se çfarë të bëjë 184/ 339 ku janë këto dosje. I drejtohem politikës, kushdo që ka pushtet duhet të jetë para drejtësisë ashtu siç duhet të ishe edhe ti z. ministër. Duhet të ishe para drejtësisë”, tha Tabaku.
