Armina Mevlani dhe Shkëlzen Berisha do të kurorëzojë ditën e dielë dashurinë e tyre mes më pak se 300 të ftuarve. Mësohet se eventi do të mbahet në një fermë në periferi të Tiranës. E gjithë dasma do të jetë e organizuar në formën e një koktejli, ku të pranishmit do të mund të konsumojnë pije e të bisedojnë me njëri-tjetrin.
Çifti ka përzgjedhur muzikë shqiptare për të festuar, duke preferuar që në ditën e tyre më të lumtur çifti të personifikohet edhe me shijen edhe traditën shqiptare, shkruan “dosja.al”. Shkëlzeni dhe Armina kanë zgjedhur një dasmë tradicionale. Menuja e përzgjedhur prej tyre është tradicionale shqiptare, madje edhe pijet do të jenë prodhim i vendit tonë. Është kjo mënyra që çifti ka zgjedhur për të promovuar edhe kulinarinë e vendit tonë në ditën e tyre më të rëndësishme.
Armina ka rrëfyer disa detaje të reja për “Goca dhe Gra”. “Javës tjetër do jesh si zonja Berisha, do na vish në studio”, i tha Dalina-Arminës, por ja si u përgjigj kjo e fundit: “Jo, do të vij zi zonja Mevlani. Do të vazhdoj të jem zonja Mevlani”.
Më herët, Armina ka zbuluar se ajo dhe Shkëlzeni e duan vjeshtën, dhe kjo është arsyeja që vendosën që dasmën ta bëjnë në tetor.
Prezantuesja tregoi edhe se në dasmë do të ketë më pak se 300 të ftuar, si dhe menuja e ushqimit do të jetë tradicionale.
“Ne nuk e kemi planifikuar dasmën për të pritur një fëmijë. Gjithmonë kam dashur të kem dasmën para fëmijës, dua ta shijoj. Vjehrri im, Sali Berisha është gjithmonë mbështetës dhe ka qenë në rregull me datën e dasmës. Menuja e dasmës do të jetë tradicionale. Në dasmë do të ketë të ftuar më pak se 300 persona, për disa detaje të dasmës më ka ndihmuar shumë edhe kunata, motra e Shkëlzenit, me të cilën kam marrëdhënie fantastike”, tha bukuroshja e ekranit.
