Kryeministri Rama, ka reaguar sërish në lidhje me sulmet kibernetike të Iranit në vend. Kryeministi Rama në postim i referohet akuzave që kanë ardhur pas sulmeve kibernetike.
“Kënaqësia që pjell kaq shumë trillime, shpotitje dhe akuza lidhur me sulmet kibernetike nga një shtet agresor, përveçse për padije të thellë mbi fushën e përtaci të madhe ndaj informacionit, flet për një ligësi të neveritshme në raport me vendin e me njerëzit e këtij vendi!”, shkruan Rama në Twitter.
Kënaqësia që pjell kaq shumë trillime, shpotitje dhe akuza lidhur me sulmet kibernetike nga një shtet agresor, përveçse për padije të thellë mbi fushën e përtaci të madhe ndaj informacionit, flet për një ligësi të neveritshme në raport me vendin e me njerëzit e këtij vendi!
— Edi Rama (@ediramaal) September 13, 2022
Autoritetet shqiptare penguan një sulm të dytë kibernetik në fundjavë. Sulmi i fundit erdhi pak ditë pasi kryeministri Edi Rama akuzoi Iranin se fshihet pas sulmit kibernetik të 15 korrikut me pasoja ndaj uebsajteve qeveritare dhe të shërbimeve digjitale për qytetarët të përshkruara si shkatërrimtare nga “Microsoft”. Ai urdhëroi të gjithë diplomatët iranianë të largohen nga Shqipëria brenda 24 orëve, duke prishur menjëherë marrëdhëniet shtetërore.
