“Çfarë të kam bërë o Zot? Mi dha të gjithë hallet, m’u operua burri pastaj linda vajzën”. Janë fjalët prekëse të një nëne nga Cakrani i Fierit, e cila gjatë jetës është përballur me problemet shëndetësore të bashkëshortit e të vajzës. Në këtë kalvar vuatjesh që duket sikur nuk kanë fund, meraku më i madh është ai për vajzën, Altean, e cila vuan nga një masë në fytyrë.
E ëma e saj tregoi kur lindi vajzën, mjeku i kishte thënë se e vogla ishte me një nishan. Asnjëherë nuk do i kishte shkuar mendja se ai nishan do të kthehej në rrezik në vitet pasardhëse. Gjatë gjithë kohës e përlotur, ajo thotë se pas ardhjes në jetë të Alteas e cila është 5 vjeç, jeta e saj ka qënë me stres pasi nuk i dihet së ardhmes për shëndetin e vajzës.
Altea Bregasi shprehet se për shkak të masës në fytyrë, ajo ka frikë se mos e kafshon e ndonjëherë edhe i enjtet. Frika e së ëmës është për ndonjë hemoragji, plasje damarësh që mund të përfundojë edhe në fatalitet. Masa rrezikon të kthehet në trombicitopeni, nga e cila Altea rrezikon jetën. Kurimi i saj kushton 19.000 €.
