Kreu i Partisë së Lirisë, Ilir Meta, e bëri të qartë në një intervistë për “Euronews Albania” se akuzat për lobim ndaj tij nuk qendrojnë dhe për këtë është shumë i qartë edhe Departamenti Amerikan i Shtetit. Meta nuk ka lënë pas ironitë, ku iu drejtua Ramës që fshihet pas fustanit të grave. Ai e paralajmëroi se ka ardhur koha e përballjes burrërore.
“Nuk ekziston asnjë çështje, këto janë streset e lavrës dhe regjimit të larvave. Është shumë e qartë në DASH prej kohësh, gjithçka tjetër është përrallë.
Nuk ndalojmë askënd që të fshihet pas fustanit të grave, aq më tepër Ramën që kështu ka nisur politikën dhe kështu do e përfundojë. Tani ka ardhur koha e përballjes burrërore”, tha Meta.
