Kryetari i Partisë së Lirisë, Ilir Meta, ka publikuar pamjet nga koncerti i reperit Noizy, ku të rinjtë brohorisnin “Rama ik” pas shkëputjes së energjisë elektrike. Madje Meta paralajmëron se kryeministri Rama do të japë llogari shumë shpejt përpara drejtësisë dhe popullit, për ato që ai i konsideron dëmet kolosale që i ka bërë vendit.
“Ju uroj një javë të mbarë, me këtë thirrje frymëzuese dhe buçitëse të mijëra të rinjve, për largimin dhe ikjen pa kthim të armikut të së ardhmes së tyre, të grabitësit të miliarda euro të shqiptarëve dhe të tradhtarit të interesave tona kombëtare.
Armiku i Lirisë, Ligjshmërisë dhe Rinisë, do të japë llogari shumë shpejt përpara Drejtësisë dhe popullit për të gjitha dëmet kolosale, që i ka bërë vendit”, shkruan Meta.
