Në konferencën për amnistinë fiskale, kryeministri Edi Rama foli për qëllimet pozitive të këtij ligji. Kreu i qeverisë vlerësoi domosdoshmërinë e kësaj amnistie, teksa solli në vëmendje qarkullimin e parasë cash. Kryeministri u shpreh me bindje se ky ligj do të bëhet, ndërsa pranoi që ka edhe risqe, por bazohet në Kushtetutë dhe është aplikuar në shumë vende të Evropës.
Ndër të tjera, Rama është treguar i ashpër me partnerët, duke thënë se ndërkombëtarët nuk bëjnë dot njeri për budallenj. “Nuk kanë faj partnerët dhe ne këtu shqiptarët nxijmë, ua hedhim ne me këtë raporte. S’kanë faj ata se ua japim raportet BIO nga Shqipëria, po kjo është punë tjetër.
Nuk kemi si ta bëjmë njëri-tjetrin për budalla këtu. Jemi një vend që po e tregojmë sesa serioz jemi në marrëdhënie ndërkombëtare. Kemi të meta e prapambetje, sigurisht. Po nga mendja jemi në rregull, nuk vëmë njeri përpara kur vjen puna për respekt”, tha Rama.
