Partia Demokratike vijon organizimin dhe përgatitjet e protestës së 7 korrikut. Për herë të parë, njerëz nga të gjitha fushat e shoqërisë, do të hyjnë në seli për të gritur shqetësimet e tyre personalisht, dhe jo nëpërmjet përfaqësuesve politikë. Kreu i Partisë Demokratike, Sali Berisha, i ka bërë thirrje shqiptarëve që t’i bashkohen në protestën e 7 korrikut që do të organizohet nga PD-ja. Berisha ka thënë më herët se data 7 korrik do të jetë fronti për shpëtimin e Shqipërisë dhe se do të nisë një betejë e rëndësishme që duhet të shtrihet në mbarë vendin. PD-ja fton të gjithë shqiptarët që duan të ngrenë zërin, ti bashkohen kësaj force politike çdo ditë në foltoren e selisë dhe më 7 korrik të dalin në shesh.
“Partia Demokratike me idenë e hapjes ndaj shoqërisë, dhe në përgatitje për frymën popullore të protestës së 7 korrikut, do të hapë selinë dhe foltoren e saj për shqiptarët. Për herë të parë, të rinj e të reja, burra e gra, profesionistë dhe fermerë, njerëz nga të gjitha fushat e shoqërisë, do të hyjnë në seli për të shpallur shqetësimet e tyre personalisht, dhe jo nëpërmjet përfaqësuesve politikë. Partia Demokratike, në kontratën e re sociale me shoqërinë, fton të gjithë shqiptarët që duan të ngrenë zërin, të na bashkohen çdo ditë në foltoren e selisë dhe më 7 korrik në shesh”.
