Një autobus është përfshirë nga flakët mëngjesin e sotëm. Mjeti ka qenë duke transportuar punonjës fasonerie. Ngjarja ka ndodhur në aksin rrugor Vlorë-Fier, tek mbikalimi i Novoselës rreth orës 06:50.
Punonjësit kanë arritur që të zbresin nga autobusi në kohë, duke u shpëtuar flakëve. Ndërkohë nga hetimet e deritanishme të policisë, dyshimet e para janë se zjarri ka rënë si pasojë e një defekti teknik të mjetit.
Vlorë/Informacion paraprak
Më datë 26.05.2022, rreth orës 06:50, në aksin rrugor Vlorë-Fier, tek mbikalimi i Novoselës ka marrë flakë në lëvizje, autobusi me drejtues shtetasin B. Xh., 60 vjeç. Nuk ka dëme në njerëz.
Paraprakisht dyshohet se zjarri ka rënë si pasojë e një defekti teknik në autobus.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
